PAINFUL SAYINGS ( quotes )

Lahat naman ng tao sumeseryoso pagtinamaan ng pagmamahal.
Yun nga lang, hindi lahat matibay para sa temptasyon


--BOB ONG


Oo lahat ng tao ay sumeseryoso pagtinamaan na, kahit ang barumbado nagiging santo. Yan ang nagagawa ng TUNAY na pagibig. Pero kung talagang pagibig yan hindi ka papatol sa isang temptasyon, kahit na gano kahirap kung talagang nag mamahalan kayo, hindi hindi ka titikim ng kahit na anong bawal... Dahil pagmahal mo na ang isang tao, isang salita lang dapat ang matutunan mo. Ito ang salitang CONTENTED..

Walang taong manhid.
Hindi niya lang talaga maintindihan kung ano
ang gusto mong iparating dahil ayaw mo siyang diretsuhin


--BOB ONg



Yan ang problema ng mga torpe, idinadaan nalang sa paramdam ang gustong sabihin ng puso nila. At kung hindi naman napapansin ang kanilang mga damdamin at saloobin ay sasabihin pa nilang ikay isang manhid. Hindi mo maisisisi ang kamanhiran ng tao lalo na kung ang pinaparamdam mo sa kanya ay malabo!! Diretsuhin mo kasi, kung ano man ang magiging sagot nya paghandaan mo na. Kaysa naman magantayan pa kayo habang buhay dyan.. Malabong Usapan yan..

Wag mong hintaying masaktan ka ng sobra, bago mo sabihin sa sarili mong "TAMA NA"


Minsan hindi masamang sumuko lalo na kung talagang masakit na, yung tipong ibinigay mo na ang lahat, ginawa mo na ang nararapat, at buong puso ka naging tapat. Pero sa bandang huli ikaw parin ang lugi, ikaw parin ang sawi at ikaw parin ang umiintindi ng paulit ulit. Panahon na siguro na bitawan mo ang salitang TAMA NA, hindi naman siguro masamang magmahal, pero ang masama eh kung hindi ka man lang nagtira sa sarili mo.

"Hindi mo masasabing past ang nakaraan kung paulit ulit mong binabalikan."



Kung hindi maganda ang nakaraan mo, gawin mo itong isang aral para sa kasalukuyan mong paglalakbay hindi ka paulit ulit na madapa sa parehong pagkakamali mo. Maari mong paminsan minsan isipin ang mga nakaraan, pero wag na wag kang babalik at lalong gawin ang bagay na alam mong nagawa mo na noon at nagdulot ng sobrang kalungkutan sa buhay mo.

Yung mga taong kahit may dinadalang mabigat na problema, hindi pa rin nakakalimutang magbigay ng advice sa iba.




Dahil alam nila kung anong pinagdadaanan mo, at alam nilang kaya mong matapos ang problemang yan kayulad ng mga problema nila. Ayaw nilang sumuko ka sa isang problemang nakayanan na nila kaya naman kahit may sari sariling problema ang iba gusto parin nilang tumulong sa iba...

"Hindi ako palaging okay. Hindi ako palaging masaya. Hindi ako palaging strong. Sana maintindihan mo, tao rin ako."




Lahat ng tao napapagod, nasasaktan,at nahihirapan kaya hindi masama kung paminsan minsan huminto tayo at magpahinga. Pero siguraduhin mong kapagayos kana, tumayo ka at ipagpatuloy ang nasimulan, dahil hindi porket tao ka lang at napapagod hangang dyan ka nalang. Hindi ka ginawa ng Diyos na mahina lahat tayo malakas, at alam nya na kaya mo lahat ng ibibigay nya sayo at para sa ikakabuti mo ito. Hindi importante ang sasabihin ng iba, ang mahalaga ay yung alam mong ang ginagawa mo ay tama at wala kang nasasaktan na iba then God will do the rest...

"Pakita mo kasi na karapat-dapat kang pagkatiwalaan para pag katiwalaan ka ng mga tao sa paligid mo"


Ipakita mo na pwede kang pagkatiwalaan, hindi yung puro ka lang salita kulang naman sa gawa. Minsan ang tao madaling magtiwala, madaling mahulog at madaling mainlove. Yun nga lang sa tao pang hindi karapat dapat, hindi katiwa tiwala at lalong hindi totoo sayo. Kaya bago magtiwala, kilalanin ng mabuti ang isang tao, hindi sa physical na anyo nito kung hindi sa ugali at mga gawa. Dahil baka sa bandang huli ikaw din ang mabiktima ng tao halang ang kaluluwa na akala mo ng una ay isang anghel na biglang bumula..

"Kapag natuldukan ng dumi yung bond paper, yung dumi agad nakikita. Parang tao lang, pag nagkakamali yun agad ang napapansin."




Ganyan naman ang mga tao, sa dinami dami mong ginawang tama nabubura agad ito sa isang pagkakamali mo lang. Parang wala ng lugar sa mundo ang pagkakamali, gusto nila perpekto ka. Hindi masamang magkamali basta alam mo naman kung papano babawi, at alam na sa pagkakamaling yun handa ka bumagon at ituwid ang kamalian mo.

"Dun ka sa mga taong naiintindihan ka ng totoo, hindi dun sa kunwari totoo pero plastik pala."




Kilalanin ang totoong kaibigan, dahil sa paligid natin maraming huwad akala mo totoo sa una pero sa bandang huli ibebenta ka rin nila. Kaya wag kang magpapasilaw sa mga nakapaligid mo na ang trato sayo ay para ka nang Diyos kung isamba. Dahil kung minsan sila pa ang tao sasaksak sa likod mo ng di mo alam.

"Hindi lahat ng PATAMA ay para SAYO. Sadyang SINASALO mo lang dahil alam mong GAWAIN mo ito."



Wag ka kasing masyadong guilty, aminin mo pagnakakarinig ka nang isang bagay na alam mong ginagawa mo hindi mo maiwasan na mag komento kahit na hindi naman ikaw ang pinaguusapan nila. Ang masasabi ko lang ay wag ka kasi makikisawsaw sa usapan ng iba para di ka ma apektohan sa sinasabi nila.  

"Pahalagahan mo habang nasa iyo."



Pahalagahan mo habang nasa iyo, hindi yung hahabol habol ka pag wala na, iiyak iyak pag tapos na at mag popost sa facebook ng sang katutak na kadramahan para lang malaman nya. Wag ka kasing tanga, kasalanan mo naman kung bakit nawala sayo, dahil lang sa simpleng rason na Di mo pinahalagahan ng nasayo pa.  

"Minsan, kailangan mo din ilabas ang lahat ng sama ng loob mo. Para malaman nilang hindi unlimited ang pasensya mo."




Dahil pagnaipon ang lahat ng di nailalabas, maaaring sumabog yan at mag dulot ng mas malalang sitwasyon para syo. Walang masama sa paglalabas ng sama ng loob basta alam mo na nasa tama ka, at hindi ka lalampas sa linya mo. Tama na ang malaman nilang nasasaktan ka din, na didisappoint at na papagod din. Hinndi ka load na unlimited okey..  

"Hinay hinay sa pagde-desisyon. May mga bagay kasi na kapag nagawa mo na, hindi na pwedeng maibalik o bawiin."




Kapag magdedesisyon ka siguraduhin mong nasa tamang pag iisip ka, yung tipong hindi ka sobrang masaya, hnidi sobrang lungkot at lalo nang sobrang galit. Dahil pag ang emotion ay pinaghalo mo sa pagdedesisyon ay baka makagawa ka ng bagay na pagsisisihan mo habang buhay..

"May mga tao talaga na kahit sila na yung may kasalanan, ikaw pa din ang masama."


Dahil sila ang taong hindi kayang tangapin ang mga pagkakamali nila sa buhay, na kahit na alam nila sila ang may kasalanan gagawa parin sila ng dahilan para ikaw ang pagbuntungan. Yan ang mga taong mahihina, dahil sarili nilang pagkakamali eh hindi nila matangap.

"Problema kasi sayo, pinakilig ka lang saglit nainlove ka kaagad."




May mga tao talaga madaling mainlove!! Pero hindi sila maiinlove kung walang nag pakilig diba? hindi nila kasalanan yun, ang problema eh bakit ka magbibigay ng motibo kung hindi mo naman pala gusto ito? Dahil sa trip mo lang pakiligin sya, dahil ba masarap yung feeling na maraming may gusto sayo o isa ka lang sa milyong milyong TANGA na hindi marunong sa salitang RESPETO. Kung wala kang nararamdaman wag ka naman paasa, irespeto mo naman ang damdamin ng iba.

"COOL OFF MEANS- wait lang lalandi lang ako pag wala akong nakita babalik ako sayo."




Bakit kaylangan mag COOL OFF kung hindi kana masaya sa kanya? Dahil ba sa natatakot ka na baka walang kang mahanap na iba, o para may riserba kung saka sakali diba? Wag ipilit kung wala na talagang nararamdaman dahil para lang kayong nag lalaro nyan nang walang katapusan.

"Gusto mo sya. Gusto ka nya. Pero pareho kayong may karelasyong iba."



Hindi ka magkakagusto sa iba kung KONTENTO kana sa kanya. Kahit na anong ganda at gwapo nya, o bait at lambing nya kung talagang mahal mo ang bf/gf mo hinding hindi ka mag kakgusto sa iba. Pero kung hindi ka na talaga KONTENTO sa kanya mas mabuti pang tapusin nyo na yan, dahil kawawa naman ang sya na walang ibang ginawa kundi ang mahalin ka at MAKONTENTO sayo...